Napoli dhe Roma do të ndeshen sonte në kuadër të xhiros së 33-të në Serie A-s.
Azzurrët dhe Giallorossët, ndeshjen do ta zhvillojnë nga ora 19:00 në stadiumin “Diego Armando Maradona”. Napolitanët kërkojnë të kthehen te fitorja, pas humbjes nga Fiorentina në xhiron e kaluar.
Ndërkaq, Roma pretendojnë të shfrytëzojnë gabimin e Juventusit dhe të marrin triumfin e katërt radhazi në Serie A.
Ekipi i Luciano Spalletit supozohet të nis me formacionin 4-3-3, me Ospinan në portë, kurse qendrën e mbrojtës ta blindoj me Rrahmanin e Koulibalyn. Zanoli dhe Mario Rui si përgjegjësi do t’i kenë krahët, ndërkaq në mesfushë me Anguissan, Lobotkan dhe Fabian Ruzin. Sulmi pritet të nisë me treshen Politano, Osimhen dhe Insigne.
Kurse, Jose Mourinho në këtë duel supozohet ta ketë ndërmend të nisë me Rui Patricion në portë. Mbrojtja do të jetë me tre, njëri nga ta edhe mbrojtësi shqiptar Marash Kumbulla dhe bashkëlojtarët e tij Manicni e Ibanez. Mesfusha për dallim nga kundërshtari do të jetë me katër, ku krahët pritet të nis me Karsdorpin e Vina-n, ndërsa në mes me Cristante dhe Veretoutin. Para mesfushës në ofansiv do të jenë Zanioli dhe Pellegrini, kurse sulmi pritet të mbulohet nga Abraham.
Napoli (4-3-3): Ospina; Zanoli, Rrahmani, Koulibaly, Mario Rui; Anguissa, Lobotka, Fabian Ruiz; Politano, Osimhen, Insigne.
Roma (3-4-2-1): Rui Patricio; Mancini, Ibanez, Kumbulla; Karsdorp, Cristante, Veretout, Vina; Zaniolo, Pellegrini; Abraham.
Këto dy skuadra në duelin e parë janë ndarë miqësisht me nga një pikë, ku takimi ka përfunduar ashtu si ka nisur nga fillimi 0:0.
/Tëvë1/