Analisti politik Visar Xhani, tha se votimi i sotëm për shkarkimin ose jo të kryetarëve të katër komunave veriore të Kosovës ishte detyrim nga Vuçiqi e jo vlerësim individual i qytetarëve, raporton teve1.info
Në studion e “Këndit të Debatit” në Tëvë1, Xani tha se dalja në votim e qytetareve është e kontrolluar dhe manipuluar përmes Listës Serbe në Kosovë.
“Ne sot kishim jo një vlerësim individual dhe sipas dëshirës së qytetarëve atje, por detyrim që vjen pikërisht nga Vuçiqi dhe nga Serbia duke kontrolluar dhe manipuluar përmes Listës Serbe. Veprime të tilla nuk i shkojnë përshtati as Kosovës, as Serbisë dhe deri te SHBA dhe BE-ja, për shkak se të gjithë kanë qenë të angazhuar për të pas një proces me rezultat me zgjedhje të reja. Ne po shohim që kemi pas një procedurë burokratike e cila u realizuar deri më sot por rezultati është zero. Në politikë nuk matet suksesi me tentativa por duhet të kemi rezultate me veprime”, tha Xani.
Ai shtoi se Qeveria e Kosovës ka premtuar deeskalim të situatës, zgjedhje të reja derisa tha se sot ndodhi dështim.
“Ne kemi premtuar deeskalimin e situatës, organizimin e zgjedhjeve të reja atje dhe ne sot kemi në dështim, pa marrë parasysh se nga kush vjen ky dështim, pra kemi një tentativë por pa rezultat. Kujt i shkon për shtati kjo, me gjasë i shkon për shtati shumë njerëzve. Në aspektin e brendshëm i jepet pak hapësirë me krijuar ‘Zajednicën’ Kurtit edhe pak kohë, e ka të pamundur, ka me krye një hap tjetër para se me vepru për Zajednicën. Ndërsa pala serbe e përdor këtë metodë disi metodë presioni për faktorin ndërkombëtar mbase për të provuar me ndiku diçka ose me shty një agjendë politike sa i përket votimit nga Këshilli i mitrave për anëtarësimin e Kosovës në KiE. Dhe këtu e gjitha ka karakter politik para se gjithash para interesit qytetar dhe veprimet e tilla duhet edhe ne ti analizojmë nga aspekti politik para se të mendojmë në aspektin në terren sepse në terren mund të ketë vullnet tjetër por politika pengon shumë vullnetin”, u shpreh Xani.
