Asnjë votues nga 450 se janë të regjistruar në Qendrën e Votimit në Urë të Bubës në komunën e Zubin Potokut, nuk ka votuar deri më tani, dy orë pas hapjes së votimit për shkarkimin e kryetarëve në veri.
Siç ka raportuar gazetarët e Tëvë1 nga katër komunat në veri të Kosovës, në orët e para është shënuar dalje e ultë e qytetarëve në votim.
Komisioni Qendror i Zgjedhjeve ka bërë të ditur se të gjitha qendrat e votimit janë hapur më kohë.
Numri i Qendrave të Votimit në komunën e Leposaviqit është 8, në Zubin Potok 5, në Zveçan 5 dhe në Mitrovicën e Veriut 5.
Numri i qytetarëve me të drejtë vote për procesin e votimit për apo kundër largimit të kryetarëve nga funksioni në komunat Leposaviq, Zubin Potok, Zveçan dhe Mitrovicë e Veriut është 46,556 votues.
