E shtuna i mblodhi bashkë avokatë, psikologë, sociologë e ekspert të arsimit.
E temë diskutimi ishte roli i gruas në familje.
Nisur nga vrasjet e fundit të grave në Kosovë, nga Lëvizja “Demokracia Konservatore” propozuan që institucionet të jenë të kujdesshme në hartimin e legjislacionit që prek familjen.
” 01:33 – 01:49(
“Në kontekst të kësaj, si konservator kemi kontribuar në diskursin publik dhe në takimet me qytetarë që sa kohë që t’i shtyjmë para agjendës, që familja në këtë kohë sfidash të mëdha duhet të jetë në qendër të mendimit politik në Kosovë, pra duhet parë me kujdes, rolin, sfidat dhe mbrojtjen institucionale të familjes”, ka deklaruar Abdullah Klinaku -kryetar i Lëvizjes “Demokracia Konservatore.
Pjesë e këtij diskutimi ishte edhe deputetja e Kuvendit të Kosovës, Albana Bytyqi.
Sipas saj, ajo çka i shtynë më shumë vrasësit të kryejnë krimin, është mosserioziteti që siç tha ajo, kanë udhëheqësit e vendit për jetën e gruas.
“Këto krime asnjëherë nuk do të ndalen përderisa udhëheqësit e vendit nuk e marrin me seriozitet dhe të mos shkojnë në konferenca dhe të flasin vetëm për gratë e të mos marrin vendime konkrete. Andaj për neve është shumë e rëndësishme dhe mendoj që kjo i jep zemër edhe më shumë vrasësve potencial që të kryejnë krimin kur e dinë që nuk merret me shumë seriozitet jeta e gruas në Kosovë”, ka thënë ajo.
Vrasjet e fundit dhe sfidat me të cilat ballafaqohen gratë në vend, po cilësohen që kanë të bëjnë edhe me kulturën dhe mënyrën se si rritet një grua.
“Ne rritemi si femra me ndjenjën e inferioritetit që ne nuk meritojmë më shumë. Vet në familje ne fillojmë me i eduku fëmijët se pozicioni yt është të heshtësh ose të flasësh mbi bazën gjinore. Është një kulturë fatkeqësisht në heshtje vrastare e mbjellur dhe shndërruar në një normë të pranueshme”, ka thënë ekspertja e arsimit, Azemine Kukaj.
Diskutimi ishte i hapur, me ç’rast të pranishmit dhanë propozime dhe alternativa se si duhet të mbrohet gruaja, burri dhe familja në përgjithësi.