Në një adresim për media pas homazheve te shtatorja e Zahir Pajazitit, Kurtiu shpreh se 21 prilli është data e fundit kur dy vendet do të merreshin vesh lidhur me këtë çështje.
Sipas tij, ajo që dihet se “është e padiskutueshme, pa negociueshme parimi i reciprocitetit si thelb i çfarëdo zgjidhje të ardhshme”.
“Më 21 prill është afati i fundit kur do duhej të merreshim vesh për targat e di që parimi i reciprocitetit do të jetë aty për aspektet teknike kemi grupin tonë teknik që merr pjesë atje si dhe kryenegociatorin që po bisedon se si ta gjejmë një zgjidhje por ajo që dijmë që është e panegociushme, e pa diskutueshme është parimi i reciprocitetit si thelb i çfarëdo zgjidhje të ardhshme”, tha Kurti.
Ndryshe, në tetorin e vitit të kaluar në Bruksel ishte arritur marrëveshja mes Kosovës dhe Serbisë për targat.
Sipas kësaj marrëveshjeje, veturat që hyjnë në dy vendet duhet mbuluar me stikers (ngjitës) simbolet shtetërore të tyre.
Ndërkaq, deri te kjo marrëveshje kishte ardhur pasi Qeveria e Kosovës kishte vendosur reciprocitet me targat e Serbisë ku secilës veturë që hynte në vend – duhej t’i vendoste tabelat e përkohshme të Kosovës.
Për këtë, si shenjë revolte serbët lokalë kishin bllokuar rrugët që çonin drejt pikave kufitare në Jarinje dhe Bërnjak – për çka Njësia Speciale e Kosovës ishte pozicionuar për të mbikëqyrur situatën./teve1.info/
