Ministria e Punëve të Jashtme dhe Diasporës ka bërë të ditur se i ka njoftuar vendet anëtare të UQINT-it lidhur me ndalimin e disa autobusëve të Kosovës në Serbi, raporton teve1.info
Përmes një njoftimi për medie, MPJD ka bërë të ditur se qytetarëve të ndaluar me autobusë në Serbi u janë marrë dokumentet si dhe të njëjtit po merren në pyetje nga autoritetet serbe.
“Për më tepër, të gjithë udhëtarëve u janë marrë dokumentet personale si dhe ato të autobusëve. Po ashtu, disa prej tyre janë marrë dhe po vazhdojnë të merren në pyetje. Pas veprimeve arbitrare të Serbisë, institucionet tona, Ministria e Punëve të Jashtme dhe Diasporës ka njoftuar shtetet e KUINT-it, Institucionet e BE-së dhe të tjera ndërkombëtare rreth kësaj situate dhe presim që kjo situatë të përfundojë shpejtë”, thuhet ndër të tjera në njoftimin e MPJD-së.
