Një studim i ri tregon se muzika promovon mirëqenien dhe ka efekte pozitive në shëndetin tonë mendor.
Muzika na ka provuar se çliron kimikate të trurit si dopamina dhe oksitocina, të lidhura me ndjenjat e kënaqësisë dhe në mënyrë efektive ul nivelet e kortizolit.
Një nga përfitimet më të rëndësishme që sjell muzika është reduktimi i stresit, veçanërisht muzika e lehtë e ambientit, e cila ofron stimulim qetësues dhe një ndjenjë relaksi, duke çliruar tensionin nga muskujt tuaj, ju ndihmon në ngadalësimin e frymëmarrjes dhe relaksimin pas përballjes me një situatë stresuese.
Muzika gjithashtu ndihmon në uljen e ankthit dhe depresionit, duke pasur përfitime terapeutike dhe duke ju ndihmuar të përballeni me mendimet negative.
Studimi u bazua në një meta-analizë të 26 studimeve të mëparshme, me gjithsej 779 pjesëmarrës, dhe gjetjen e provave në rritje që vërtetojnë efektivitetin e muzikës për të promovuar gjerësisht mirëqenien dhe cilësinë e jetës në lidhje me shëndetin, në krahasim me ata që i janë përkushtuar stërvitjes.
“Ka kaq shumë mekanizma që shpjegojnë ndikimin e fuqishëm që mund të ketë dëgjimi i një pjese muzikore,” thotë për “AARP” presidentja e Shoqatës Ndërkombëtare për Muzikë dhe Mjekësi dhe profesor i muzikoterapisë në Kolegjin e Muzikës Berklee, Suzanne Hansert, shkruan TCH.
Hansert shpjegon se “Muzika që është luajtur në dasmën tuaj ose në një shërbim fetar, apo edhe në një koncert që keni marrë pjesë ose një kërcim ku keni qenë – ajo muzikë mbetet e ruajtur për ato neuropati që e lidhin muzikën me ndjenja vërtet pozitive.”
