Misioni KFOR i udhëhequr nga NATO dhe misioni i BE-së për Sundimin e Ligjit në Kosovë (EULEX) do të kryejnë një stërvitje të përbashkët më 16 prill 2024.
“Joint Venture 2024” pasqyron bashkëpunimin afatgjatë NATO-BE në rajon, e cila do të testojë procedurat e përbashkëta për të trajtuar skenarë të ndryshëm të sigurisë dhe për të siguruar bashkëpunim në mbështetje të sigurisë së qëndrueshme në Kosovë dhe Ballkanin Perëndimor”, thuhet në njoftim.
“Stërvitja e përbashkët nënvizon përkushtimin tonë për të garantuar sigurinë për të mirën e të gjitha komuniteteve në Kosovë. Nëpërmjet bashkëpunimit të vazhdueshëm dhe trajnimeve rigoroze ne po forcojmë aftësinë tonë për të vepruar si një forcë kohezive, e gatshme për të adresuar çdo sfidë që mund të lindë”, tha gjeneralmajor Ozkan Ulutash, komandant i KFOR-it./kp
