Policia e Kosovës ka bërë të ditur se ka pranuar një ankesë nga një qytetar serb, i cili ka pretenduar se është rrahur dhe keqtrajtuar nga pjesëtarë të njësisë speciale të shtunën.
Veton Elshani zëvendësdrejtor i PK-së për rajonin e veriut, ka thënë se rasti është përgatitur për në Inspektoratin Policor të Kosovës.
Policia e ka pranuar një ankesë prej qytetarit në fjalë dhe e kemi përgatitur rastin për IPK”, ka thënë ai për teve1.info.
Portali serb nga Kosova, Kosovo Online ka publikuar një artikull ku pretendohet se të shtunën, pjesëtarët e njësisë speciale të Kosovës kanë rrahur serbin Vlad Babudovac nga fshati Bube afër Zubin Potokut dhe i kanë shkaktuar lëndime në kokë dhe në trup.
