Liderët e G7 kanë mbajtur takim të cilët e kanë dënuar sulmin e Iranit ndaj Izraelit.
Ndërsa, Shtëpia e Bardhë ka publikuar një foto ku shihet presidenti amerikan Joe Biden duke folur me liderët e G7.
Sekretari i Shtetit Antony Blinken dhe koordinatori i Lindjes së Mesme Brett McGurk janë gjithashtu të paraqitur.
Shtëpia e Bardhë tha në një postim në X se liderët “dënuan sulmin e paprecedentë të Iranit kundër Izraelit dhe riafirmuan përkushtimin e G7 për sigurinë e Izraelit”.
Takimi u thirr për të diskutuar atë që Biden e quajti një “përgjigje urgjente diplomatike” ndaj sulmit të Iranit.
