Kështu thanë presidentja e Republikës së Kosovës, Vjosa Osmani-Sadriu dhe kryetari i Kuvendit të Kosovës, Glauk Konjufca pasi bën homazhe në kompleksin memorial në Poklek, me rastin e 23 vjetorit të masakrës në këtë fshatë. Aty po ashtu u tha se 24 fëmijë së bashku me familjarët e tyre jo vetëm që u ekzekutuar por pastaj edhe u dogjën, disa herë radhazi nga forcat gjenocidale serbe duke.
Presidentja Osmani tha se në këtë ditë të trishtë po përkujtojnë një nga masakrat më të tmerrshme të republikës sonë.
“Në këtë varrezë këtu që e shihni prehen 54 martirë, kryesisht gra dhe fëmijë. 24 fëmijë së bashku me familjarët e tyre jo vetëm që u ekzekutuar por pastaj edhe u dogjën, disa herë radhazi nga forcat gjenocidale serbe duke treguar kështu në mënyrë të qartë qëllimin e regjimit serb të atëhershëm për të shfarosur popullin shqiptar. Natyrisht që është detyrim i secilit prej nesh që të vërtetën e Poklekut ta themi kudo, jo vetëm këtu në Kosovë por në çdo vend të botës, në mënyrë që bota mbara ta kuptoj për vuajtjet e popullit shqiptar e mbi të gjitha ta shoh dëshminë e qartë që kishte regjimi i Millosheviqit për të zhdukur popullin shqiptar nga Kosova. Kujtimi për ta do të jetë i përhershëm, ndërkaq ne nuk do të ndalemi kurrë së kërkuari drejtësi “, tha ajo.
Drejtësi për viktimat e masakrës së Poklekut kërkoi edhe kryetari i Kuvendit të Kosovës, Glauk Konjufca, i cili tha se kjo është një nga masakrat më barbare dhe më mizore që ka bërë Serbia në Kosovë.
“Asnjë gjykim serioz nuk ka ndodhur deri tash për këta fëmijë, këto gra e këta burra që u masakruan prej forcave ushtarake, policore dhe paramilitare serbe. Përgjegjësia është shumë e qartë, shteti i Serbisë ka ardhur këtu me forcat e veta dhe ka hyrë në shtëpitë e banorëve të Kosovës duke i masakruar ata por deri tash kriminelet enden të lirë në shtetin serb. Kjo masakër dhe të tjerat anekënd Kosovës na kujton edhe një herë që duhet të jemi në nivelin më të lartë dhe në përgjegjësinë më të lartë që të mos ndalemi kurrë që ta ngrisim zërin për gjithë gjenocidin që ka ndodhur në Kosovë e po ashtu të kërkojmë që drejtësia më në fund të vihet në vend për popullin tonë që e ka përjetuar gjenocidin“, tha Konjufca.
Vetëm në fshatin Poklek i Vjetër, ushtria barbare serbe ka masakruar dhe i ka vrarë, pastaj edhe i ka djegur kufomat e 53 shqiptarëve civil të parmatosur, duke filluar prej foshnjave gjashtëmuajshe e deri te pleqtë 75 vjeçar./KP