Presidentja e Kosovës, Vjosa Osmani, ka shkruar për takimin me të dërguarin e Gjermanisë për Ballkanin Perëndimor, Manuel Sarraz, në të cilin tha se theksoi nevojën për anëtarësimin e Kosovës në Këshillin Evropës.
Osmani po ashtu, njoftoi se në këtë rast palët biseduan edhe për zbatimin e marrëveshjes së Procesit të Berlinit.
“Në takimin e sotëm me të dërguarin gjerman të Ballkanit Perëndimor Manuel Sarrazin, theksova rëndësinë thelbësore të anëtarësimit të Kosovës në Këshillin e Evropës.Gjithashtu diskutuam për zbatimin e marrëveshjeve të Procesit të Berlinit, si dhe zhvillimet e fundit në vendin tonë dhe rajon”, ka shkruar Osmani në platformën X.
Ndryshe, Sarrazin veç Osmanit ka bërë të ditur se është takuar edhe me kryeministrin Albin Kurti, pjesëtarë të Listës Serbe e pjesëtarë të shoqërisë civile.
Ai këto takime i ka cilësuar të rëndësishme. /teve1.info/
In today’s meeting with 🇩🇪 Western Balkans Envoy @ManuelSarrazin, I emphasized the crucial importance of Kosovo’s membership in the @CoE.
We also discussed the implementation of Berlin Process agreements, as well as recent developments in our country and the region. pic.twitter.com/X289Br5knr
— Vjosa Osmani (@VjosaOsmaniPRKS) April 11, 2024
