Është përfshirë nga zjarri një veturë në autostradën “Ibrahim Rugova”, pasditen e së mërkurës, raporton teve1.info
Lajmin për Teve1.info e konfirmoi zëdhënësi i Policisë, Bajram Krasniqi, i cili tha se nuk ka të lënduar.
Sipas Krasniqit, rasti ka ndodhur në autostradë, kilometrin e tretë Suharekë-Prizren, ndërsa shkak dyshohet të jetë një defekt teknik.
“Pas orës 15:00, Policia është njoftuar se në autostradë, drejtimi Suharekë-Prizren (kilometri i tretë), një veturë është përfshirë nga zjarri. Policia dhe zjarrfikësit kanë dalë në vendngjarje. Dyshohet se shkak i zjarrit është ndonjë defekt teknik. Nga zjarri nuk ka persona të lënduar”, deklaroi Krasniqi.
