Më 17 prill në një takim të mbyllur në Organizatën e Kombeve të Bashkuara në Nju Jork do të merret në shqyrtim një projekt rezolutë që shpall 11 korrikun Ditë Ndërkombëtare të Kujtimit të Gjenocidit në Srebrenicë.
Ministri i Mbrojtjes i Kosovës Ejup Maqedonci, në një intervistë për Euroneës Albania tha se rezoluta duhet të votohet jo vetëm për gjenocidin që Serbia ka kryer në Bosnjë, por edhe në Kosovë.
“Vuçiq dhe politika serbe me vite të tëra janë krah Rusisë dhe njëkohësisht proklamojë se janë të interesuar për integrimin në BE, në vetvete Serbia vazhdon të jetë autokratike dhe vazhdon lidhjet me federatën ruse, në të njëjtën kohë pretendon se synon BE. Vuçiq krahas zhvillimeve të luftës Rusi- Ukrainë, pret një rezultat për të marrë qartë anë. Nuk përjashtohet asgjë (sulm) derisa në kushtetutën e republikës së Serbisë, Kosova mbetet pjesë e saj, derisa nuk e njeh si shtet të pavarur, nuk përjashtohet mundësia e një sulmi kur Vuçiq ta shohë të favorshme. Rezoluta në OKB duhet të votohet jo vetëm për faktin e gjenocidit që është zhvilluar në Bosnjë, por se serbët kanë zhvilluar gjenocid edhe në Kosovë, ku janë mijëra civilë të vrarë vetëm ose kanë pasur një përkatësi tjetër etnike nga ajo e serbëve”, tha Maqedonci.
