Ambasadori i Bashkimit Evropian në Tiranë, Silvio Gonzato, ka zhvilluar një takim me drejtuesin e Prokurorisë së Posaçme, Altin Dumanin.
Përmes një postimi në rrjetin social “X”, ku ka ndarë edhe foto nga takimi, Gonzato thekson se SPAK duke hetuar korrupsionin e nivelit të lartë, është një lojtar kyç në progresin e Shqipërisë drejt përmbushjes së standardeve të zgjerimit të BE-së.
“Duke hetuar dhe ngritur padi për korrupsionin e nivelit të lartë dhe krimin e organizuar në Shqipëri, #SPAK është një lojtar kyç në përparimin e Shqipërisë drejt përmbushjes së standardeve të zgjerimit të BE-së”, ka shkruar Gonzato.
