Nënkryetari i Aleancës për Ardhmërinë e Kosovës, Besnik Tahiri, tha se në Ditën e Kushtetutës, Republika e Kosovës po përballet me një qeveri antikushtetuese.
Në një konferencë për medie, deputeti Tahiri shtoi se në shënimin e Ditës së Kushtetutës, qeveria aktuale ka shkeljet më të mëdha.
“Në këtë ditë kujtojmë se antikushtetuesja, arbitrariteti e ka kthyer këtë qeveri me shkeljet më të mëdha kushtetuese”, tha ai.
Tahiri tha se në Ditën e Kushtetutës, AAK-ja e sheh si shqetësim, kthimin e Ligjit për Këshillin Prokurorial dhe Ligjin për Pagat.
“Gjykata Kushtetuese ka kthyer pas Ligjin për KPK-në në tërësi, Ligjin për paga. Kjo qeveri për tri vite ka procedu me procedurë të përshpejtuar një mori ligjesh nga 104 ligje mes qershorit 2022 dhe 2023, 21 janë miratuar pa përpjekje për konsensus partiak”, deklaroi deputeti Tahiri.
