Myftiu i Kosovës, Naim Tërnava, i ka uruar të gjithë qytetarët e besimit mysliman në Kosovë për festën e Fitër Bajramit, raporton teve1.info
Në konferencën për medie për nder të kësaj feste, Tërnava ka thënë se festa e Fiter Bajramit bartë vlera shoqërore dhe njerëzorë.
“Është një manifestim, falënderimi për Zotin, pas agjërimit të muajit të Ramazanit. Sot në këtë ditë të fundit të bekuar të Ramazanit, më lejoni që në emër të Bashkësisë Islame të Kosovës dhe në emrin tim, të uroj për ketë festë kaq madhështore, festën e Fitër Bajramit. Nesër është ditë e Bajrmit, ditë festë për besimtarët islam në mbarë botën, vjen pas një sakrifice të madhe, pas agjërimit të muajit të bekuar të Ramazanit. Sot në këtë ditë të fundit të bekuar të Ramazanit në emër të BIK-ut, të institucioneve të saj të ju uroj për këtë festë kaq madhështore të Fitër Bajramit. Është një mundësi për të mbajtur dhe forcuar më shumë lidhjet familjare. Ndaj duhet bërë edhe më shumë që këto festa t’i festojmë siç është më së miri e të mos zbehen. Festa e Fitër bajramit ka për qëllim formimin e një shoqërie të lumtur e të ndërgjegjshme”, u shpreh ndër të tjera Tërnava.
