Kryetari Glauk Konjufca priti në takim drejtorin e “Westminster Foundation for Democracy”, Anthony Smith
Kryetari i Kuvendit të Republikës së Kosovës, Glauk Konjufca, priti sot në takim drejtorin e “Westminster Foundation for Democracy” (ËFD) të Mbretërisë së Bashkuar, Anthony Smith, me bashkëpunëtorë.
Siaps njoftimit, në takim u diskutua për situatën e përgjithshme politike në Kosovë, për proceset demokratike, jetën parlamentare dhe punën e përditshme të Kuvendit.
“Duke i falënderuar përfaqësuesit e ËFD-së për angazhimin e tyre në Kosovë dhe mbështetjen për proceset demokratike, kryetari Konjufca theksoi nevojën për rritjen e bashkëpunimit midis Kuvendit të Republikës së Kosovës dhe ËFD-së, si dhe mbështetjes së vazhdueshme për konsolidimin e mëtejmë të institucioneve”, thuhet në njoftim.
Derisa drejtori i “Westminster Foundation for Democracy”, Anthony Smith, falënderoi Konjufcën për pritjen e ngrohtë dhe njëkohësisht shprehu gatishmërinë e fondacionit që ai drejton për të vazhduar bashkëpunimin dhe mbështetjen për Kosovën edhe në të ardhmen./teve1.info./
