Ministri i Pushtetit Lokal, Elbert Krasniqi ka thënë se ka kërkuar nga komunat që muajin Prill ta shpallin si muaj falas per regjistrimin e komuniteteve rom, ashkali dhe egjiptian, duke krijuar lehtësira dhe informacione të plota dhe të nevojshme për regjistrim të mëvonshëm të komuniteteve.
Sipas Krasniqit, regjistrimi falas i komuniteteve rom, ashkali dhe egjiptian demonstron përkushtimin ndaj përfshirjes, duke siguruar që të gjithë anëtarët e shoqërisë të njihen dhe të kenë qasje në shërbimet komunale.
“Kam kërkuar nga Komunat që të shpallin muajin Prill si muaj falas per regjistrimin e komuniteteve rom, ashkali dhe egjiptian, duke krijuar lehtësira dhe informacione të plota dhe të nevojshme për regjistrim të mëvonshëm të komuniteteve. Regjistrimi falas i komuniteteve rom, ashkali dhe egjiptian demonstron përkushtimin tonë ndaj përfshirjes, duke siguruar që të gjithë anëtarët e shoqërisë të njihen dhe të kenë qasje në shërbimet komunale. Duke hequr dorë nga tarifat e regjistrimit, komunat eliminojnë barrierat financiare që mund t’i pengojnë komunitetet e margjinalizuara. Kjo qasje jo vetëm që njeh vlerën e tyre të qenësishme, por gjithashtu afirmon të drejtën e tyre për trajtim dhe mundësi të barabartë”, tha ministri.
Derisa theksoi se regjistrimi falas ka për qëllim promovimin e të drejtave themelore të komuniteteve e sidomos të drejtës së regjistrimit si segmenti më i rëndësishëm për gjithë përfshirjen e tyre në shoqërinë kosovare.
“Do të vazhdojmë të qeverisim me përkushtim drejt ndërtimit të një shoqërie më të drejtë dhe gjithëpërfshirëse, ku çdo individ, pavarësisht nga prejardhja e tij, mund të gëzojë të drejtën e tij për të jetuar me dinjitet dhe për të kontribuuar në shoqëri”, shtoi tutje Krasniqi./teve1.info./
