Përmes një njoftimi për media nga Zyra e Kryeministrit thuhet se Kurti ka folur për mundësitë që Kosova ofron për investime dhe i njoftoi për themelimin e Gjykatës Komerciale që pritet të funksionalizohet brenda dy muajve të ardhshëm e që beson se do të rrisë sigurinë juridike për bizneset vendore dhe investimet e huaja.
“Duke u shprehur interesimin për të krijuar një partneritet të ngushtë me mërgatën, kryeministri tha se mirëpret gjithë ndërmarrësit nga mërgata që bashkë edhe me partnerët e tyre ndërkombëtarë të investojnë në Kosovë, me prioritet në prodhim të produkteve”, thuhet në njoftim.
Ndër të tjera, në takim u diskutua edhe për brengat dhe sfidat që kanë bizneset. /teve1.info/
