Në 75-vjetorin e themelimit të Aleancës Veriatlantike-NATO, zëvendësministri i Mbrojtjes, Shemsi Syla, tha se synimi i Kosovë është anëtarësimi në këtë organizatë, raporton teve1.info
Në një intervistë për Tëvë1, Syla tha se FSK ka arritur tashmë një sukses, atë të anëtarit të asocuar.
Sylaj po ashtu theksoi se FSK që nga themelimi është zhvilluar bashkë me KFOR-in dhe standardet e NATO-s.
“Ju e dini se objektivi ynë thelbësor është angazhimi në mekanizmat ndërkombëtarë, ai më i rëndësishmi është në NATO. Para ca ditësh ne kishim një sukses të jashtëzakonshëm, ne u pranuam si anëtarë i asocuar, që është një hap shumë i mirë paraprak drejt asaj ku jemi nisur. Kemi synim të jemi anëtarë të NATO-s dhe gradualisht jemi duke ecur kështu. Ne që nga themelimi dhe nga krijimi i ushtrisë sonë krejt bazamentin e kemi bashkë me KFOR-in dhe me standarde dhe doktrina të NATO-s. Kështu që ne jemi përgatitur por ky është një proces politik e dini ju se shteti si shtet duhet të ecë drejt NATO-s. Ne jemi vetëm një mekanizëm që kontribuojmë mjaftë që të jemi kontribuues drejt anëtarësimit në NATO”, deklaroi Syla për Tëvë1.
