Kryetari i Aleancës për Ardhmërinë e Kosovës, Ramush Haradinaj, ka thënë se vizita e djeshme e kryeministrit Albin Kurti në veri ka qenë për ta “mashtruar”, kryetarin, Lulzim Hetemi.
Sipas Haradinaj, Kurti i ka thënë Hetemit se shkarkimi i tij përmes peticionit është patriotik, përcjellë teve1.info.
“Kurti tani po mundohet me i mbulu dështimet e tij dhe me u arsyetu te votuesit e tij. Ishte rasti i tokave për Manastirin e Deçanit, e tani lëshime të tjera si letra e tre udhëheqësve institucional. Është pastaj marrja e obligimit për zbatim të Asociacionit e njëkohesisht edhe zbatimi i peticionit. Pra aty ku ka shkuar Kurti… Kurti po paguan pare për të shkarkuar atë, ka shkuar ta mashtrojë edhe Lulzim Hetemin. Me i thënë është patriotike për të shkarkuar me peticion përmes serbëve”, deklaroi Haradinaj
Derisa theksoi se të gjitha zhvillimet sikur çështja e dinarit dhe peticionit janë pasojë të politikës së gabuar të Qeverisë Kurti.
“Fokusi kryesor do të mbetet tash te takimi i majit për Këshill të BE-së. Zhvillimet tjera kanë mujt me qenë tjera, sikurse të ishte përcjellë dinamika e marrëveshjes, planit franko-gjerman. Të gjitha janë pasoja, dinari dhe peticioni të politikës së gabuar të Qeverisë Kurti”, shtoi Haradinaj./teve1.info./