Kryeziu ka thënë se Qeveria Kurti po bën më shumë për qytetarët për një vit sesa kanë bërë të gjitha partitë bashkë për më shumë se një dekadë.
“Për opozitën që po kërkon rritje të pagës minimale deri në 400 euro, ua rikujtojmë se herën e fundit kur paga minimale është rritur ajo është rritur për 10 euro, përkatësisht 50 Euro. Nga 120 Euro siç ishte vendosur në vitin 2005 në 130 dhe 170 Euro në 2011. Që atëherë e gjithë opozita e sotme, të gjitha me radhë, herë njëra e herë tjera, e besa herë të gjitha bashkë, kanë qenë në qeverisje. Por për 11 vjet, paga minimale mbeti e njëjta. Sot, po u duket e pamjaftueshme rritja e synuar në 264 euro – që është rritje prej 134 euro dhe 94 euro. Edhe një herë Qeveria Kurti po bën më shumë për qytetarët për një vit se çka kanë bërë të gjitha bashkë për më shumë se një dekadë”, tha ai.
Kujtojmë se Qeveria e Kosovës të mërkurën ka miratuar projektligji i cili i hap rrugë rritjes së pagës minimale në 264 euro bruto dhe për heqjen e tatimit për 250 euro pagë. /teve1.info/
