Janë përfshirë nga zjarri tri vetura në një dyqan të automjeteve me qira në Pejë.
Rastin për teve1.info e konfirmoi zëdhënësi për media në Drejtorinë Rajonalë të Policisë së Kosovës në Pejë, Driton Rugova, teksa njoftoi se nuk ka persona të lënduar, përcjell teve1.info.
“Rreth orës 04:00, policia u informua për zjarrëvënie në rrugën ‘Papa Kliment’. Njësitet relevante kanë dalë në vendin e ngjarjes. Tri vetura janë djegur, nuk ka persona të lënduar”, thuhet në konfirmimin e Rugovës.
Po ashtu, Rugova tha se vlera e dëmit është e konsiderueshme./teve1.info/.
