Në Spitalin e Mitrovicës është bërë hapja e Klinikës së Pediatrisë.
Në hapjen e saj kanë marrë pjesë dhe kryeministri i Albin Kurti dhe ministri i Shëndetësisë, Arben Vitia.
Të pranishëm ishin edhe nga stafi i Spitalit të Mitrovicës dhe nga komuna.
Kurti ka treguar se vlera e investimeve në këtë klinikë është rreth 1 milion euro. Me investimet e bërë Pediatria tani ka 11 dhoma.
“Investimi është rreth 1 milion euro, prej të cilave rreth gjysma vijnë prej shoqatës Nëna Terezë në Gjermani dhe Jetimët e Ballkanit me Halil Kastratin. Më herët ka pasur vetëm një dhomë me 7 shtretër, janë kryer diku mbi 1 mijë hospitalizime brenda vitit, 37 vizita mijë vizita ambulatore. Tani do të ketë gjithsej do të jenë 11 dhoma me 25 shtretër…Gjysma e investimit është për inventar, e gjysma për pajisje mjekësore”, tha Kurti.
Laura Nushi, ud.drejtoreshë e Spitalit të Mitrovicës, tha se për momentin kanë staf të mjaftueshëm./teve1.info/