Dhoma e Tregtisë dhe Industrisë Kosovë njofton se Banka Qendrore e Republikës së Kosovës (BQK), ka larguar tarifën për depozitimin e monedhave metalike.
Bizneset më nuk detyrohen të paguajnë këtë tarifë, duke marrë parasysh edhe se kishte dëmtuar rëndë bizneset të cilat operojnë me monedha metalike.
“Bizneset që janë afektuar më së tepërmi nga kjo tarifë ishin furrat e bukës, marketet, dyqanet e vogla etj., që më së shumti kanë punë me monedha metalike, e të cilat operojnë me marzha shumë të ulëta të fitimit, andaj aplikimi i kësaj tarife ka shkaktuar një barrë të madhe për këto biznese”, thuhet në njoftim. /teve1.info/