Dy persona kanë pësuar lëndime trupore në një aksident komunikacioni i cili ka ndodhur të dielën afër orës 20:00, në rrugën “Rexhep Bislimi”.
Të lënduarit janë drejtuesit e dy veturave të aksidentuara.
Zëdhënësi i Policisë së Kosovës për rajonin e Ferizajt, Kanun Veseli, për teve1.info ka thënë se të lënduarit janë dërguar në Qendrën Emergjente në Ferizaj për ndihmë mjekësore
Me datën 31.03.2024 rreth orës 19:40 kemi pranuar një informacion se në rrugën “Rexhep Bislimi” në Ferizaj është një aksident komunikacioni, ku janë përfshirë dy vetura , njëra me targa vendore dhe tjetra me targa të huaja. Veç dëmeve të shkaktuara materiale në dy veturat, lëndime trupore kanë pësuar dy shoferët, të cilët janë dërguar nê Qendrën Emergjente në Ferizaj për ndihmë mjekësore”, ka thënë Veseli.
Njësia e Hetimeve të Aksidenteve ka dalë në vendin e aksidentit dhe po e heton rastin mbi shkaqet e aksidentit.
