Është arrestuar i dyshuari i cili mbajti peng katër persona brenda një kafeneje në një qytet lindor të Holandës.
Ngjarja kishte ndodhur kur ai hyri në Cafe Petticoat, në Ede, të shtunën herët në mëngjes duke kërcënuar se do të hidhte veten në erë, thanë mediat lokale.
ADVERTISEMENT
Policia e evakuoi zonën, por tha se nuk kishte “indikacione për një motiv terrorist”.
Një grup fillestar prej tre personash u lanë të lirë dhe i katërti doli rreth gjashtë orë pas fillimit të incidentit, shkruan BBC.
Pengjet janë të gjithë punonjës, tha pronari për gazetën De Telegraaf.
Banorët në rreth 150 shtëpi përreth zonës janë evakuuar dhe qendra e qytetit është mbyllur.
