Në një konferecnë për media, Zemaj theksoi se për këtë nismë legjislative ka marrë mbështetje edhe nga deputetë të tjerë, përcjell teve1.info
Ai po ashtu potencoi se pret që ta ketë mbështetjen edhe të shumicës parlamentare, pavarësisht që, siç thotë ai, kjo nismë është paraqitur nga një deputet i opozitës.
“Në këtë projektligj kanë punuar dhe konsultuar shumë profesionistë shëndetësor dhe ekspert të fushës me qëllim të avancimit dhe përmirësimit të sistemit shëndetësor të vendit tonë. Uroj dhe shpresoj që ky projektligj të gjej mbështetje edhe nga shumica parlamentare pavarësisht se kjo nismë legjislative vjen nga një deputet i opozitës, sepse shëndeti është i pari. Ne po bëjmë hapin për shëndetin e mirë të qytetarëve tanë, ndaj të njëjtën qasje e presim edhe nga qeveria edhe nga shumica parlamentare”, tha Zemaj.
Deputeti Zemaj po ashtu tregoi edhe disa nga çështjet të cilat janë adresuar në këtë projektligj.
“Propozjmë sistem funksional shëndetësor dhe të zbatueshëm i cili është qenësor, përmes jetës dhe harmonizimit parësor të shëndetit parësor me sistem unik të vendit. Decentralizon dhe bën të vazhdueshëm sistemin dytësor shëndetësor, funksionalizon pavarësinë e shërbimeve shëndetësore në nivel tretësor përmes QKUK. Barazon në mënyrë të zbatueshme sistemin publiko-privat dhe privat përmes caktimit të mënyrës së funksionimit të institucionit. Fillon themelimin, apo përmes themelimit të ndërprerjes së punës për institucionet publike, dhënies së lejes së përhershme për ofrim të kujdesit për institucionet private, përcakton ofruesit e shërbimeve shëndetësore, inicion fillimin e funksionit të institucioneve të reja dhe funksionalizimin e atyre egzistuese si dhe jep mundësinë e krijimit të institucioneve të tjera”, shtoi Zemaj. /Teve1.info/
