Për tre vite në proces gjyqësor, u përballën me akuza për keqpërdorim të detyrës zyrtare.
Ndaj 5 zyrtarëve të komunës së Vitisë ishte ngritur aktakuzë mbi dyshimet se i kishin shkaktuar dëm rreth 30 mijë euro kësaj komune lidhur me shtrimin me asfalt në disa fshatra.
Por, trupi gjykues i Gjykatës Themelore në Gjilan, të enjten i liroi nga të gjitha akuzat këta zyrtarë.
“Të akuzuarit Fadil Abazi, FlorimRamaj RafizShabiu, ShaipKorrani dhe SelimSejdiu, më të dhëna personale sikur në shkresat e lëndës për veprat penale të përshkruar sikur nëdispozitivat lëndore, lirohen nga akuza”, tha gjyqtari Sabedin Mushica në shpalljen e vendimit.
E avokati i Shabiut, Ilir Shaqiri tha se ishte i pritshëm ky vendim, pasi ekspertiza kishte vlerësuar nuk i ishte bërë dëm financiar komunës.
“Po të ishin kry ato ekspertiza në kohën e duhur nga organi i ndjekjes penale nga Prokuroria, sot e tre vite nuk kish me qenë ky proces gjyqësor edhe për të pandehuri që ka qenë shumë sfiduese”, tha ai.
Por theksoi se ky proces gjyqësor i kishte shkaktuar dëm moral atyre.
“Për ta tre vite kanë qenë të vështira, pasi me qenë me aktakuzë dhe me qenë person zyrtar, plus procesi si është zhvillu prej fillimit deri më tani, lë për të dëshiru por ne fund drejtësia fitoi.”
Në fjalën përfundimtare të mbajtur të hënën prokurori, Isuf Sadiku kishte kërkuar që ndaj të pandehurve të merret aktgjykimin dënues.
Kronika e realizuar nga Gresa Bardhecaj
