Kryeministri Albin Kurti ka bërë sot homazhe tek varrezat e anëtarëve të vrarë të familjeve Bogujevci, Duriqi dhe Llugaliu, në Podujevë.
Kurti ka thënë se këta dëshmorë na kujtojnë se sa i lartë është çmimi i shtetit dhe lirisë që ne gëzojmë sot dhe si rrënjët e shtetit dhe lirisë janë të gjaku i martirëve dhe dëshmorëve.
“Këto familje ishin bashkë, por njësojë të bashkuar jemi edhe ne sot, në kujtim dhe në nderim të rënies së tyre për tokën e Kosovës dhe për lirinë e popullit. Ata na kujtojnë dhe përkujtojnë se sa i lartë është çmimi i shtetit dhe lirisë që ne gëzojmë sot, se si rrënjët e shtetit dhe lirisë janë të gjaku i martirëve dhe dëshmorëve. Njëkohësisht zëri i ynë do të jetë më i fuqishëm, si institucional ashtu edhe qytetarë për kërkim të drejtësisë”, ka deklaruar Kurti, shkruan teve1.info
Tutje, ai ka thënë se në Serbi nuk ka pasur drejtësi për këto familje.
Me tej, kryeministri i ka kërkuar Prokurorisë së Shtetit që të bëjë më shumë në mënyrë që vrasësit e këtyre dëshmorëve të ndëshkohen.
“ anë vrarë 7 gra dhe 7 fëmijë. Fëmijët kanë qenë prej 2-15 vjeç dhe më këtë rast është mbajtur një proces gjyqësor në Serbi, ku janë dënuar disa ushtarë të njësitit famëkeq… që kanë kryer vrasje edhe në masakrën e Sberenicës. Ata të dënuar maksimalisht me 10 vjet, pa u penduar, kur i kanë mbajtur 2/3 të dënimit janë liruar… Ne kemi nevojë për drejtësi institucionale në Kosovë, por edhe në rajon. Ne edhe një herë i bëjmë thirrje Prokurorisë së Shtetit që të bëjë më shumë në mënyrë që këta vrasës mizore të familjeve, Bogujevci, Duriqi dhe Lluqaliu të ndodhën prapa grilave.
Në mesin e atyre që u masakruan ishte edhe Saranda Bogujevci, e cila u mbijetoi 16 plumbave, para 25 vjetëve, trupi i njomë atëherë e mitur, ata pesë që shpëtuan nga kjo masakër ishte një mrekulli e vërtetë dhe sot ata janë dëshmitar të gjenocidit të Serbisë në Kosovë”, ka deklaruar Kurti./teve1.info
