Sot, zhytësit gjetën trupat e dy prej gjashtë punëtorëve të zhdukur që vdiqën pas shembjes së urës në Baltimore
Koloneli i policisë së Maryland, Roland Butler, ka thënë se ata persona u gjetën të vdekur në një kamion i cili ishte 25 metra nën ujë.
“Ekipet e shpëtimit kanë gjetur sot dy viktima të cilët ishin bllokuar në një kamion brenda nën ujë. Ata u gjetën rreth një orë më parë. Emrat e tyre janë Alejandro Hernandez Fueetes nga Meksika dhe Dorilan Ronial Castillo Cabrera nga Guatamala”, tha ai në një konferencë, shkruan CNN.
Po ashtu, Butler bëri të ditur se personat e tjerë të vdekur dyshohet se janë nga El Salvadori dhe Hondurasi, teksa tha se një nga dy viktimat e gjetura u identifikuar nga patentë shoferi i cili ishte në xhepin e viktimës ndërsa tjetri u identifikua nga shenjat e gishtërinjve.
Trupat u tërhoqën nga lumi Patapsco një ditë pasi anija masive e kontejnerëve humbi fuqinë dhe manovrimin përpara se të godiste një mbështetëse në urën Francis Scott Key, duke e shembur plotësisht urën.
