Deputetja e Partisë Demokratike e Kosovës, Ariana-Musliu-Shoshi bashkë me delegacionin po marrin pjesë në mbledhjen e komitetit për çështje politike dhe demokraci të Asamblesë Parlamentare të Këshllit të Evropës.
Musliu-Shoshi ka postuar një video në Facebook ku ka thënë “Ditë historike për Kosovën tonë. Në këtë komision ku edhe do të votohet raporti i raportueses, i cili është në favor të Kosovës që të anëtarësohet në Këshillin e Evropës”.
Tutje deputetja e PDK-së, tha se pasi të votohet në këtë komitet do të vazhdojë votimi në sesionin e asamblesë parlamentare të Këshillit të Evropës, i cili theksoi se do të jetë nga data 15 deri 19 prill.
“Unë i uroj qytetarët e Kosovës për këtë ditë historike për të ardhmen tonë”, tha tutje ajo.
Ndryshe, nëse sot më 27 mars ka rezultate pozitive, atëherë Raporti për Kosovën pritet të kalojë për shqyrtim në Asamblenë Parlamentare, i cili do t’i hapte rrugë më pas vendimit final nga Komiteti i Ministrave të Punëve të Jashtme../teve1.info./
