Presidenti i Serbisë, Aleksandar Vuçiq, mbajti një takim në Beograd me ambasadorët e vendeve të QUINT-it (Shtetet e Bashkuara të Amerikës, Britania e Madhe, Franca, Italia dhe Gjermania).
Temë diskutimi e takimit ka qenë situata politike në Kosovë.
Siç raporton RTS, në takimin e nisur pak pas orës dhjetë, morën pjesë ambasadorët e SHBA-së, Britanisë së Madhe, Francës, Italisë dhe Gjermanisë, përkatësisht Christopher Hill, Edward Ferguson, Pierre Cauchard, Luka Gori, Anke Konard, si dhe kreu i delegacionit të Bashkimit Evropian në Beograd, Emanuel Gioffre.
Në takim ka qenë edhe drejtori i Zyrës për Kosovën, Petar Petkoviq.
