Ende ka zhvillime të reja në lidhje me Kuvendin Zgjedhor të FFK-së të mbajtura me 6 prill. Edhe pse Agim Ademi, është rizgjedhur kryetar edhe për një mandat të ri katër vjeçar, kjo asesi nuk po pranohet nga opozita, e cila po e quan edhe kuvend të jashtëligjshëm.
Mirëpo, në lidhje me zgjedhjet e FFK-së ka reaguar edhe ministri për Kulturë, Rini dhe Sport, Hajrullah Çeku. Ai në një emision televiziv në “Kanal 10”, ka potencuar se Agim Ademi është kryetar legjitim i FFK-së, deri në një vendim të gjykatës ku mundet të kthehet në pikën zero.
“Federata e ka kry një cikël zgjedhor dhe për Federatën, Agim Ademi është kryetar legjitim i asaj federate, deri në një moment të dytë nga një gjykatë që mund ta kthej në pikën zero. Ne si ministri shkak se kemi një çështje të hapur me federatën, nuk mund të procedojmë me nënshkrimin e memorandumit të bashkëpunumit që është fianancimi vjetor që ne ju japim federatave. Por është një ngrirje e raporteve momental deri sa të sqarohet çështja e rregullsisë së Kuvendit Zgjedhor të Federatës”, tha Çeku.
Kuvendi Zgjedhor i FFK-së është mbajtur me datë 6 prill, ku u zgjodh kryetari Agim Ademi pa kundër-kandidat, pasi Gramoz Vokrri i cili dërgoj nënshkrimet e 16 delegatëve, pesë prej tyre u shpallën të pavlefshme nga Komisionin për procesin e Zgjedhjeve të FFK-së.
/Tëvë1/
