Policia e Kosovës ka njoftuar se ka arritur ta identifikojë dhe arrestojnë një person i cili përmes identiteti të rremë kishte arritur të pajiset me dokumente të Kosovës.
Sipas PK-së i arrestuari në qershor të vitit të kaluar i paraqitur me dhënat e rreme është si D.B, viti 1980 i lindur në Kosovë, ka arrit të pajiset me dokumente personale, pasaportë dhe patentë shofer.
Ndërsa, sipas PK-së më 5 janar 2024 në Zbubin Potok, për të vazhduar afatet kohore të dokumenteve.
“Gjatë verifikimit të dokumenteve që i dyshuari NN i ka paraqitur me rastin e aplikimit, NJRHKEK-Mitrovicë e Veriut, ka ardhur deri tek një dyshim i bazuar se i dyshuari NN ka marrë identitet të rremë si shtetas i RKS-së”, thuhet në komunikatë.
Ai është arrestuar dy ditë më parë.
“Si rezultat i bashkëpunimit të njësive të lartcekura policore me zyrtarët kompetent të ARC-së dhe zhvillimit të punëve intensive, operative dhe hetimore në koordinim me prokurorin e shtetit, me datën 22.03.2024,në qendrën për pajisje me dokumente në komunën e Zubin Potokut është arrestuar një person i dyshuar me të dhëna të rreme i cili ka tentuar të pajiset me dokumente personale pasaportë dhe patentë shoferi.”, thuhet nga Policia.
Policia ka njoftuar se i arrestuari ka rezultuar se bëhet fjalë për personin e që gjendet në arrati në Greqi, dhe i kërkuar nga Interpoli i Greqisë dhe Malit të Zi.
“Lidhur me rastin me qëllim të vërtetimit të identitetit të saktë të personit të dyshuar, Drejtoria për Bashkëpunim Ndërkombëtarë për Zbatim të Ligjit – ILECU, përmes gjurmëve të gishtërinjve dhe fotografive, ka pranuar raport nga Interpoli ku ka rezultuar se gjurmët e gishtërinjve përputhen me personin në arrati me iniciale G. S. (viti 1977) në Greqi. I njëjti nga Interpoli i Greqisë kërkohet për disa vepra të rënda penale, si:Krimi i organizuar, Grabitje, Detyrim,Lëndim të rëndë trupor, Dhënie e deklaratave false, Posedim ilegal të eksplozivit dhe mjeteve shpërthyese” etj. ndërsa nga Interpol i Malit të Zi kërkohet për veprën penale ‘Lëndim i rëndë trupor’”, thuhet në komunikatë.
Personit të dyshuar me vendim të gjykatës i është caktuar masa e paraburgimit prej 30 ditësh.
