Kryetari i Partisë Demokratike të Kosovës, Memli Krasniqi në përvjetorin e “Epopesë së Dukagjinit”, ka thënë se ditët se 24 marsi i vitit 1998, janë ndër datat me sublime të historisë së vendit tonë.
Ai në Facebook ka përmendur, Himë Haradi i cili si 17-vjeçar bashkë me Gazmend dhe Agron Mehmetajn ranë heroikisht në “Epopenë e Dukagjinit”.
“Himë Haradinaj ishte vetëm 17 vjeç, kur bashkë me Gazmend dhe Agron Mehmetajn ranë heroikisht në “Epopenë e Dukagjinit” 26 vite më parë – duke u bërë simbole të guximit dhe vendosmërisë së UÇK-së në luftën tonë për liri. Ditë të tilla si 24 marsi i vitit 1998, janë ndër datat më krenare dhe sublime të historisë së vendit tonë. Liria dhe Pavarësia e Kosovës qëndrojnë mbi sakrificën dhe heroizmin e dëshmorëve tanë. Lavdi e përjetshme”, ka shkruar Krasniqi./teve1.info/
