Aktivizimi i gazit lotsjellës më 21 mars 2018 nga deputetët e Lëvizjes Vetëvendosje bënë që të pengohej përkohësisht të pengohej ratifikimi i marrëveshjes për demarkacionin me Malin e Zi.
Në procesin gjyqësor të nisur 6 vite më parë, disa nga të akuzuarit janë liruar, kurse disa janë dënuar me kusht.
Derisa ndaj Ministrit të Punëve të Brendshme Xhelal Sveçla dhe deputetëve të LVV-së Salih Zyba, Fitore Pacolli e Drita Millaku vazhdon procedura gjyqësore.
Mirëpo, ndaj tyre mund të rëndojë akuza vetëm për “Përdorim i armës apo mjetit të rrezikshëm” dhe jo për “Pengim i personit zyrtar” që është e dënueshme prej 3 muaj deri në 3 vjet.
Kjo vepër sipas avokatit Anton Nrecaj, rrezikon të parashkruhet kur kalon koha që i pandehuri të ndiqet penalisht.
“Natyrisht nëse janë plotësu kushtet ligjore të parapame sipas Kodit Penal dhe Kodit të Procedurës Penale atëherë ajo vepër penale parashkruhet dhe në këtë situatë për tu parashkruar natyrisht se gjykata duhet të nxjerrë një vendim mbi bazën e së cilës i referohet kornizës ligjore dhe dispozitave të posaçme për parashkrimin e lëndëve”
Ai tutje ka thënë se gjykatat hezitojnë të trajtojnë rastet me zyrtarët shtetërorë.
Jo vetëm në situata konkrete të kësaj legjislature por edhe në të kaluarën legjislaturat e kaluara kemi pas shumë e shumë situata të tilla ku sistemi jonë i drejtësisë nuk ka pasur guximin që ta zbatojë ligjin në bazën e së cilës janë të thirrur dhe rastet e tilla aktakuza ndaj ish-zyrtarëve të shtetit janë mbyllur sepse janë vjetërsuar apo parashkruar, ka thënë Ndrecaj.
Televizioni ka dërguar pyetje në Gjykatën Themelore në Prishtinë nëse do të nxjerrë vendim për parashkrimin e kësaj vepre, mirëpo gjatë ditës nuk ka marrë përgjigje.
Së fundmi në bankën e të akuzuarit për këtë rast ishte ulur edhe kryetari i Kuvendit Glauk Konjufca, mirëpo Gjykata të njëjtin e liroi nga kjo akuzë.
Kronika e realizuar nga gazetarja Gresa Bardhecaj
