Ekipi Juanflatroo dhe Xhoci, do të jenë pjesëmarrës të turneut të madh “Rugove CS2 Charity Tournament 2024”.
Juanflatroo është ekip që përbëhet nga lojtarët Flatro Halimi, Qëndrim Hajrizi, Genc Kolgeci e Rigon Gashi, të cilët do të përballen me ekipin e Xhocit që përbëhet nga Ernest Xhoci, Kujtim Rexhepi, Dionis Budeci, Fatlum Abrashi e Enis Hyseni.
Ky “show-match” do të zhvillohet në kuadër të garës që ka për qëllim mbledhjen e fondeve për Asociacionin Nacional të Autizmit në Kosovë, si dhe për të rritur ndërgjegjësimin rreth Autizmit te moshat e reja.
Gara e madhe do të organizohet nga Federata Esports e Kosovës në bashkëpunim me Korporatën “Rugovë”. Gara e lojës së famshme “Counter Strike 2” do të mbahet më datat 23 dhe mars, ndërsa pjesëmarrës do të jenë rreth 640 lojtarë nga 128 ekipe.
