Gjatë ditës së sotme, do të zhvillohen ndeshjet gjysmëfinale të play-offit për tri vendet e fundit që sigurojnë pjesëmarrjen në Kampionatin Evropian që këtë vit mbahet në Gjermani.
Do të luhen ndeshjet gjysmëfinale në kuadër të Ligës A, B dhe C të play-offit. Në Ligën A, prej orës 20:45 do të përballen Polonia – Estonia dhe Uellsi – Finlanda.
Dy kombëtaret që avancojnë në finale do të luajnë kundër njëra tjetër për të prerë biletën për “Euro 2024”.
Në orën e njëjtë, sonte luhen edhe dy gjysmëfinalet e Ligës B, ku do të përballen Izraeli – Islanda dhe Bosnjë e Hercegovina – Ukraina.
Ndërkohë, në gjysmëfinalet e Ligës C, njëra nis në orën 18:00 ku takohen Gjeorgjia me Luksemburgun dhe një tjetrën që starton prej orës 18:00 përballen Greqia me Kazakistanin.
Tri finalet e këtij plejofi do të luhen javën tjetër, më datën 26 mars dhe kombëtaret që fitojnë do të marrin pjesë në Kampionatin Evropian. “Euro 2024” mbahet në Gjermani gjatë periudhës qershor – korrik.
