Sulmuesi Albion Rrahmani ka thënë se është plotësisht i gatshëm për ta ndihmuar Kosovën në dy miqësoret e këtij muaji.
Rrahmani ka thënë se pavarësisht se janë miqësore, duhet të vlerësohen ndeshje shumë të rëndësishme dhe të fitohen.
Po ashtu, Rrahmani ka shtuar se në këto ndeshje do ta kenë mundësinë për ta njohur edhe më shumë filozofinë e lojës së trajnerit Franco Foda.
“Jam shumë i lumtur që përsëri jam pjesë e Kombëtares pas lëndimit. Tani jam i gatshëm të jap 100% tim. Janë ndeshje të rëndësishme edhe pse miqësore por na shërbejnë ta njohim më shumë trajnerin dhe taktikat e tij. Shpresoj të marrim rezultate pozitive për të qenë sa më të gatshëm për shtator”, ka thënë Rrahmani.