Mesfushori i Kosovës, Valon Berisha ka insistuar se synimi i “Dardanëve” është fitorja në dy ndeshjet miqësore të këtij muaji.
Sipas Berishës, triumfi ndaj Armenisë dhe Hungarisë, do të shërbente shumë për atmosferën në ekip. Kosova, të mërkurën pritet të udhëtoj drejt Yerevanit, ku të premten do ta luaj miqësoren me Armeninë. Ndërkohë, të martën e ardhshme do të përballet me Hungarinë në Budapest.
“Këto dy ndeshje do t’i shfrytëzojmë për të kuptuar trajnerin dhe filozofinë e tij, të krijojmë grupin dhe të bëhemi sa më të fortë për ndeshjet e Ligës së Kombeve. Sot kemi punu më shumë taktikisht, ndërsa nesër do të punojmë më shumë për fazën defanzive. Duhet te adaptohemi sa më shpejtë. Janë dy ndeshje miqësore por të rëndësishme dhe duhet t’i fitojmë sepse na ndihmojnë për atmosferën në ekip”, është shprehur Berisha.
