Mbrojtësi i krahut, Mërgim Vojvoda prej ditës së parë është pjesë e grumbullimit të Kombëtares së Kosovës.
Kosova të hënën ka nisur tubimin për ndeshjet miqësore të këtij muaji, ndërsa të martën paradite ka mbajtur edhe stërvitjen e dytë në kampin nacional të FFK-së në Hajvali. Të pranishëm në këtë stërvitje ishin 22 futbollistë, ndërsa Vojvoda ka thënë se miqësoret e marsit do t’I shërbejnë Kosovës për Ligën e Kombeve që nis në shtator.
“Këto dy miqësore i kemi që të përgatitemi mirë në ambientin e ri, me motivim të ri dhe për synime të reja. Duhet të kuptohemi me idenë dhe filozofinë e trajnerit. Këto miqësore do të na shërbejnë të përgatitemi për ndeshjet e shtatorit”, ka thënë Vojvoda.
Kosova të premten luan kundër Armenisë në Yerevan, ndërsa katër ditë më vonë, përballet me Hungarinë në Budapest.
