Portieri i Kombëtares së Kosovës, Arijanet Muriq ka zënë vend në formacionin më të mirë të xhiros së 29-të të Premier Leagues.
Muriq ishte fantastik në fitoren e Burnleyt 2:1 ndaj Brentfordit vikendin e shkuar dhe kjo paraqitje i është shpërblyer me një vend në formacionin më të mirë.
Formacionin e javës në Premier League e bën legjenda angleze Alan Shearer, ndërsa gardianin e Kosovës e ka vendosur në portë.
25-vjeçari ndaj Brentfordit edhe debutoi në elitën e futbollit anglez këtë edicion, ndërsa në total ka 5 paraqitje për Burnleyn në të gjitha garat.
Muriq është ftuar edhe nga përzgjedhësi i Kosovës, Franco Foda për dy ndeshjet miqësore të këtij muaji, me Armeninë me 22 mars dhe Hungarinë me 26 mars.
Muriq ka 36 paraqitje për “Dardanët” ndërsa me Burnleyn ka kontratë deri në vitin 2026.
