Rasti i raportuar nga një burrë se është dhunuar seksualisht nga një burrë tjetër në Malishevë, ka rezultuar jo i vërtetë.
Sipas Policisë së Kosovës rasti i deklaruar si dhunim seksual është rremë dhe se tani ky rast është riklasfikaur si informata të rreme”
“Lidhur me rastin, hetuesit policorë në bashkëpunim me prokurorin e shtetit menjëherë kanë ndërmarrë veprimet e nevojshme hetimore, pas së cilës është konstatuar se rasti i raportuar si dhunë nuk është i vërtetë. Pas marrjes së këtyre veprimeve hetimore, verifikimit të gjendjes faktike dhe intervistimit të të dyshuarit tani (i cili ka pranuar se të gjitha ato që kishte raportuar për dhunën ishin të rreme), në konsultim me prokurorin e shtetit lënda është riklasifikuar në “informata të rreme”, ose shpifje” dhe të dyshuarit i caktohet masa e ndalimit për 48 orë”, thuhet në raportin shtesë të PK-së për këtë rast.
Të shtunën tashmë i arrestuari për deklarim të rremë ishte paraqitur në Policinë e Kosovës, ku kishte deklaruar se është sulmuar seksualisht nga një burrë tjetër.
