Në hapësirat e Pallatit të Drejtësisë, pritet të shtohet një Gjykatë e re.
Fokus i saj do të jenë lëndët administrative dhe të punës, ku edhe do të thirret si Gjykata Administrative dhe e Punës.
Ajo do të funksionojë në dy shkallë gjyqësore, e ku shkalla e parë do t’i ketë disa departamente.
Departamentet e shkallës së parë të Gjykatës Administrative janë Departamenti Fiskal; Departamenti për Konteste të Punës; Departamenti për Skemat Sociale dhe Pensionale të financuara nga shteti; dhe Departamenti i Përgjithshëm.
Personi që do ta kryesojë këtë institucion të drejtësisë, ka mandat 5 vjeçar, pa të drejtë rizgjedhje.
Gjyqtarët, që nga gjykata të tjera do të kalojnë tek ajo Administrative dhe e Punës, do të konsiderohet vazhdim i mandatit aktual.
Mijëra lëndë të kategorizuara si administrative do t’i kenë në duar gjyqtarët e kësaj gjykate.
Përgjatë vitit 2023, në të gjitha Gjykatat Themelore, numri i lëndëve administrative kap shifrën e 7571 sosh. Kurse, numri i lëndëve që janë trashëguar për këtë vit, është 5014.
Projektligji për Gjykatën Adminstrative dhe të Punës, ka marrë dritën e gjelbër në Komisionin për Legjislacion, e pritet që tani i njëjti të kalojë për procedim në Qeveri.
