Ndaj vendimit të institucioneve të Kosovës për heqjen e të gjitha tabelave të shënuara në çirilicë, ka reaguar shefi i Zyrë së BE-së, Thomas Szunyog.
Ai u bëri thirrje institucioneve të Kosovës që të zbatojmë një proces të tillë vetëm pas konsultimit me Komisionerin e Gjuhëve dhe duke interpretuar pozitivisht Ligjin për Përdorimin e Gjuhëve.
“Me nismën e fundit për zëvendësimin e tabelave zyrtare që tregojnë emrat e vendeve në veri të Kosovës, u bëj thirrje autoriteteve që ta zbatojnë procesin vetëm pas konsultimit me Komisionerin e Gjuhëve dhe duke interpretuar pozitivisht Ligjin për Përdorimin e Gjuhëve”, ka shkruar Szunuyog në X.
Ai ka thënë se kjo nënkupton që të merren parasysh komunitetet e prekura.
🧵On the recent initiative to replace the official signs indicating the names of places in the north of #Kosovo, I appeal to the authorities to implement the process only after consulting with the Language Commissioner & by positively interpreting the Law on the Use of Languages.
— Ambassador Tomáš Szunyog (@EUAmbKS) March 15, 2024
