Më 19 mars, Bashkimi Evropian ka thirrur një takim të dialogut për normalizimin e raporteve mes Kosovës dhe Serbisë në nivel të kryenegociatorëve.
Kështu konfirmoi i dërguari i Shteteve të Bashkuara për Ballkanin Perëndimor, Gabriel Escobar, pas takimit me kryeministrin e Kosovës, Albin Kurti.
Nga ky takim i radhës, Escobar është shprehur se pret që Qeveria e Kosovës të jetë fleksibile.
“Shpresoj që Qeveria është pajtuar të jetë fleksibile në këto diskutime në dialog të martën. Në ndërkohë e kam përgëzuar kryeministrin për vendimin që ka marrë për Deçanin. Ishte vendim i vështirë, por i duhur”, ka thënë Escobar.
Ndërkohë, Escobar para gazetarëve tha se vendimi i BQK-së, që ndalon përdorimin e dinarit ua ka vështirësi jetën qytetarëve serbë të Kosovës dhe se për këtë ShBA-ja është e shqetësuar./teve1.info/
