Kryetari i Prishtinës, Përparim Rama ka marr pjesë në Konferencën e Prodhimit dhe IT në Linz të Austrisë.
Rama përmes një postimi në Facebook, ka treguar se në këtë konferencë tri kompani nga Prishtina janë prezentë, siç tha ai, duke treguar potencialin e madh të Prishtinës si një qendër industriale dhe teknologjike.
“Jam veçanërisht i entuziazmuar të ndaj me ju se po punojmë për të tërhequr kompani të mëdha ndërkombëtare si KEBA, e cila ka shprehur interes të fortë dhe është duke e konsideruar Prishtinën si vend për të ngritur një impiant prodhues gjigant. Kjo do të ishte një hap i madh përpara në zhvillimin e infrastrukturës industriale të qytetit tonë dhe do të krijojë mundësi të shumta për punësimin dhe rritjen ekonomike”, ka shkruar Rama.
Rama ka falënderuar mikun e tij dhe kryetarin e Linz, Klaus Luger,për ftesën dhe bashkëpunim e shkëlqyeshëm mes të dyja qyteteve./teve1.info/