Kryetari i Aleancës për Ardhmërinë e Kosovës, Ramush Haradinaj, ka thënë se takimin që liderët e partive opozitare kanë zhvilluar me emisarin amerikan Gabriel Escobar, Ndihmës Asistent i Sekretarit të Shtetit për Çështje të Evropës dhe Euroazisë, ka kërkuar ngritje të nivelit të marrëdhënieve bilaterale Kosovë-ShBA.
Ai në Facebook ka thënë se vizita e Escobarit në Kosovë ndodhë një moment të rëndësishëm për Kosovën dhe rajonin.
Haradinaj ka thënë se është shumë e nevojshme që agjenda e shtetit të Kosovës të shtyhet përpara drejt anëtarësimit në NATO.
“Kërkova të ngritët niveli i marrëdhënieve biletarale Kosovë-ShBA. Ka progres, por theksova se është shumë e nevojshme që agjenda e shtetit të Kosovës të shtyhet përpara me përgjegjësi të lartë shtetërore dhe institucionale drejt anëtarësimit në NATO si dhe qeveria të jetë në bashkëpunim të plotë me aleatin tonë strategjik dhe të përjetshëm, ShBA-të”, ka shkruar Haradinaj, përcjell teve1.info
Pas takimit ka reaguar edhe kryetari i PDK-së, Memli Krasniqi.
Escobar gjatë ditës ka takuar presidenten e Kosovës, Vjosa Osmani ndërsa, të enjten pritet të ketë takim edhe me kryeministrin e Kosovës, Albin Kurti.